豬扒的誘惑＊元朗「永順食店」

::::: 豬扒的誘惑＊元朗「永順食店」:::::

食好味豬扒包，未必要去澳門，
記起食神韜哥曾經介紹一間位於元朗賣超好味豬扒的【永順食店】，
通常韜哥的推介都係大件夾抵食，
週末去開元朗出差，
便去這小店試試！

該食店不難找，正正位於元朗安寧路大榮華酒樓傍的橫洲路，
店前仲可以偷雞泊車。

走本地茶餐廳格局的【永順食店】十分地度，沒有豪裝，
鋪仔細細，門口都擺放數張摺檯，
據聞這小店已有廿多年歷史，大部份都是街坊熟客。

『熱鴛鴦』每杯十元，非常香濃，
我試了用煉奶的『鴛鴦走』，入口更香滑，茶啡比例洽到好處!

有大酒樓水準，不是一般貨式！
祗賣十四蚊一碗!
最特別的是這小店的即食麵 ，用由日本製造的『蟹皇麵』，
爽滑彈牙的麵條，比丁仔更好食呢！

『雪菜肉絲麵』

『豬手麵』的豬手炆得好淋，柱候醬不太濃，
唔怕肥少少就不妨一試吧！
同樣賣十四蚊!

當然要試試這裡的主角『炸豬扒』，
淨食每款都衹賣十二蚊，
炸豬扒每碟有兩大件，
金黃色的外層炸得香脆鬆化，豬扒肉厚多汁。

『炸雞翼』同樣炸得出色，全是中翼，
每碟有四隻，賣十二蚊！

實在抵受不注美味豬扒的誘惑，
最後都要試埋『豬扒蛋三文冶』，大大份每客才十二蚊，
要烘底加多一蚊，
沒有可怕的沙律醬，
簡簡單單衹有豬扒同煎蛋，
有幾好食，不如睇睇相吧.........

花數十個大洋就嚐到如此美味，去開元朗，不妨一試！

食飽就行行元朗墟，看看附近的老店，逛逛熱鬧的街市...

大同老餅家

好到底麵家

元朗炮仗坊的食肆